-


சில்வண்டின்..,
முதற்காதல் - பதினாறாம் நினைவு !
என்
முதற் காதலே!

ஆண்டுகள்
பதினாறு
ஆயிற்று
இன்றோடு!

நீ இறந்து!

உன்மேல் காதல்
எனக்கு பிறந்து!

--- 0 ---

மதிபோல்
மலர் முகம்
என்
மதியில்
மகரந்தம் தூவ!

மயங்கி
மருகி!
ஊடுறுவி
உருகி!

இமை கொட்டாது
உன் முகம்
பார்த்தேன்!

உணர்வுகளின்
ஊற்று!
உற்பத்தியாயிற்று!

 --- 0 ---



 --- 0 ---

அங்கங்கள்
ஒவ்வொன்றும்
அழகுக்கு
அர்த்தங்கள்!

அங்கங்கு
தங்கி நான்
ஆராய்ந்தேன்
அதில்
ஆழ்ந்தேன்!

செவி தந்தால்
ஒன்றிரண்டு
இரகசியமாய்
சொல்லிடுவேன்!

பூத்தார்போல்
புன்னகைப்பாய்!
அவ் வழகுக்காய்
விழைகின்றேன்!

 --- 0 ---

ஒரு புருவம் மேலுயர்த்தி
வினாக்குறி என்றாக்கி
ஆராய்ந்த தென்னவென்றா
கண்ணாலே கேட்கின்றாய்?

குறும்பே!
அத்தனையும் கூறிவிடின்
வெட்கத்தில் வெளறிடுவாய்!
"ச்சீ " - யென்று பொய்யாக
சினம் கொண்டு சிவந்திடுவாய்!

உன் ரசிப்பை
நான் ரசிக்க
ஒன்றிரண்டு உரைத்திடவா?

 --- 0 ---

பாற்கடல் சூழ
கருங்கடல் கொண்டு
அழகு சேர்த்திடும்
ஆழி இரண்டு!

அலையாய் இருள்
அலையாய் இடை
சாடும் நீர்வீழ்ச்சி!

பழம் முந்தி
வரும் விதையாய்
வனப்பாய்...
இரு
வாசல் குகை ஒன்று!

ரசம் தன்
ஈரப்பதம் நிறை
கீறி வெடித்த செங்கனி!
அதில்
பக்கவாட்டு
மின்னல் கீற்று!

பட்டாடை
போர்த்தி
பொதிந்து வைத்த
பஞ்சு மெத்தை
ரெண்டு பக்கம்!

என நான்
கண்டதெல்லாம்
அருங்காட்சி!
என் கண்களெல்லாம்
அதன் சாட்சி!

 --- 0 ---

நான் கூறும்
எழில் யாவும்
உன் அழகில்
சொச்சம் மட்டும்!

நீ
அறிய
இவை போதும்!
மிச்சமெல்லாம்
எனக்கு மட்டும்!

அநியாயம்
என்றெல்லாம்
அங்கலாய்ப்பு
தேவையில்லை!

அழகெல்லாம்
உனதாயினும்
ரசனை யாவும்
எனதன்றோ?

 --- 0 ---

தாரகையாய்
மேல் நின்று
இப்போதும்
புன்னகைப்பாய்!

என் காதல்
உணர்ந்தாயா
என கேட்டால்
நீ சிரிப்பாய்!

பாதி கிணறு
தாண்டிவிட்டேன்
மறு பாதி ஓடிவிடும்!

விரைந்தோடி
வந்திடுவேன்!
உன்
கன்னத்தில்
ஆழ் முத்தம்
பதித்தெடுக்க!
December 29, 2008

Comments

Hephzibah Israel said…
Well written. Write more.

Check out my blog some time: http://hephzibahisrael.blogspot.com
February 10, 2010 at 3:24 PM
Smitha chinnaraj said…
Hey Sillu,

Enakkum Monisha romba pidikkum.. athanaala un kadhalai unara mudinjudhu!!!

அழகெல்லாம்
உனதாயினும்
ரசனை யாவும்
எனதன்றோ?

Enakku rombavum pidicha line idhu than...
Pramaadham :-)
May 3, 2010 at 1:35 PM
Post a Comment

Popular posts from this blog

போக்கிரி வண்டு!

-
வணக்கம்! பசித்திருந்த ஒரு மதிய வேளையில் இசை கேட்டிருந்தது வண்டு! "போக்கிரி" படத்தின் "டோலு டோலு தான் அடிக்கறா" என்ற பாடலை கேட்டுக் கொண்டிருந்த போது சாப்பாடு வாசம் எங்கிருந்தோ வந்து மூக்கினை தாக்க.. இந்த மெட்டுக்கு பொருந்துமாறு சில வரிகள் வந்து விழுந்தது...! "வாசம் வாசமா வருகுதா - என் சுவாசம் மொத்தமும் மணக்குதா வயிறும் காஞ்சு தான் கிடக்குதா - கொஞ்சம் கஞ்சி கேட்டு தான் துடிக்குதா? சில வகைகள் மட்டும் தான் கிடைத்திடுமே வீட்டில் பல வகையில் பண்டங்கள் கிடைக்குமிடம் ஹோட்டல்! ஊத்தி அவிச்சது இட்லியா - அதை பரப்பி சுட்டது தோசையா! பொறித்து எடுப்பது பூரியா - அந்த உருளை கிழங்கு Gas தொல்லை! அடடா அடடா அட அடை இது தாண்டா! குடுடா குடுடா நீ சுட சுட போண்டா! இடுடா இடுடா வடை ரசத்தினில் இடுடா ஊறி திளைக்கும் அது ரசவடை தாண்டா! " இப்படி சில வரிகள் பல்லவிக்கு வந்து விழுந்த நிலையில் இந்த பாடலை முழுமையாக்க நினைத்த வண்டு எழுதிய சரணங்கள் கொஞ்சம் காதல் சில்மிஷத்துடன் அமைந்திட்டது. சில்மிஷ சரணத்துடன் பசி பல்லவி ஒட்டவில்லை. பசியின் அவதியை விட காதல் சில்மிஷங்கள் சுகம் ...
Read more

வானவில் பூக்கள்!

-
Image
இது வானவில் பூக்கள் பூத்துக்குலுங்கும் பூந்தோட்டம்!    வானவில்போல திடீரெனத் தோன்றி, எழில் வர்ணம் காட்டி, இதயத்தை வருடி, இரசனையைத் தூண்டி, இரசிக்கும்போதே மாய்ந்துபோனதால் இவை, வானவில் பூக்கள்!   வண்டின் கரம் பிடித்து உடன் வாருங்கள்! வாசம் வீசும் அந்த சோலைக்குள் ஓர் உலா போய் வரலாம்! அங்கே ஒரு ‘பூ’ உங்கள் வரவை எதிர்பார்த்து காத்திருக்கு, உங்களை வரவேற்கும் ஆர்வத்தால் பூத்திருக்கு….!          ======================================= சில்வண்டின், வானவில் பூக்கள் !                                          [ சங்கமி  ‘ பூ ’]   ======================================= டி ரிங்ங்ங்! டிரிங்ங்! வழக்கமா அலறும் தொலைபேசி அன்னிக்கு அதிசயமா சிணுங்குது. எடுத்தேன். " ஹலோ?"    ' ஹல்ல்ல்லோ!"                 -  ங்குது ஒரு பெண்குரல். அந்தக் குரல் எனக்கு பழக்கப்பட்ட குரல்தான். அதனால ...
Read more

மீண்டும் ஒரு ஜூன் 30!

-
"நேசமணி ராசாவுக்கும், கூட வந்த மேத்தனுக்கும் ஜே!" -- என்று எழுந்திடும் பெருங்குரல் விண்ணையே பிளந்திடும் என்று என் குடும்பத்துப் பெரியவர்கள் கூற நான் கேட்டதுண்டு. இந்த முத்திராவாக்கியத்தில் குறிப்பிடப்பட்டிருக்கும், ‘நேசமணி ராசாவோடு உடன் வந்த மேத்தன்’ தான் என் வாப்பப்பா! என் தாத்தா. எங்களூர் பக்கம் முஸ்லிம்களை "மேத்தன்" என்றழைப்பது வழக்கம். என் தாத்தா, திரு. M.K பாவா அவர்கள், கன்னியாகுமரி மாவட்டத்தை கேரளத்திலிருந்து பிரித்து, தமிழகத்தோடு இணைக்க, மார்ஷல். நேசமணி நாடார் அவர்கள் தலைமையில் நடந்த போராட் -டங்களில், அவரோடு இணைந்து போராடியவர். திருவிதாங்கூர் தமிழ்நாடு காங்கிரஸில் ஒரு முக்கியஸ்தர். அந்தப் போராட்டங்களின்போதுதான் நான் மேலே கூறிய முத்திராவாக்கியம் விண்ணதிரவைக்கும். என் தாத்தா ஓர் எழுத்தாளரும், பத்திரிகையாளரும்கூட. "திங்கள்" எனும் பெயரில் பத்திரிகையும் நடத்தியிருக்கிறார். தமிழ் வித்தகர். ‘கவிமணி’ தேசியவிநாயகம் பிள்ளை அவர்களின் அருமைச் சீடர்களில் ஒருவர். தெளிந்த சிந்தனையாளர். பண்பாளர். சமூகத்தில் மதிப்போடும், மரியாதையோடும் வாழ்ந்தவர். த...
Read more