சில்வண்டு ரீங்ங்ங்ங்ங்...!

அ து   ஒரு வார இறுதி . அதிகாலையிலிருந்தே மழை பெய்துகொண்டிருக்க , மெல்லிய காற்றும் சில்லென வீசிக்கொண்டிருக்க , மழைநாளின் சோம்பலை , இழுத்துப்போர்த்திய பெட்ஷீட் தரும் கதகதப்போடு இதமாக அனுபவித்துக்கொண்டிருந்தோம் நானும் என் நண்பர்களும் . இடம் : அமெரிக்கா . பொருள் : அதை ஈட்டத்தான் நாடு விட்டு கடல் தாண்டி வந்துள்ளோம் . ஏவல் : அதை எங்கள் மேனேஜர்கள் சரியாக செய்துகொண்டுதான் இருக்கிறார்கள் . இடம் தவிர , பொருளும் ஏவலும் இந்தக்கதைக்கு தேவையில்லை . இந்தக்கதை அமெரிக்காவில் நடக்கிறது என்பதை வித்தியாசமாக சொல்ல நினைத்த ஆர்வக்கோளாறு என்பதை மட்டும் எடுத்துக்கொண்டு வேண்டுமென்றால் என்னை முறைத்துக்கொண்டு மேலே தொடருங்கள் ….! “ சூடா ஒரு டீ அடிச்சா சூப்பரா இருக்கும்ல ?” -- என்று ஒருவன் சாதாரணமாக உதிர்த்த அந்தக் கேள்வி வாக்கியம்தான் அன்றைய மாலைப்பொழுதை ரணகளமாக்கப்போகிறது என்று அப்போது நாங்கள் உணர்ந்திருக்கவில்லை ….! “ டீ கூட சூடா ஏதாவது கடிச்சுக்க இருதா இன்னும் சூப்பரா இருக்கும்ல ?” -- என்று வேறு ஒருவன் தீ